සත් රුවන් ආර

සත් රුවන් ආර

සත් රුවන් ආර මුතු බැදි මුහුදු පවුරකින් සුලකල
පුන්‍ය භූමි වූ මනරම් තම්බපන්නියේ
පලාපෙති බැදන් ගෙලවට රණහංස පියාපත් සලමින
පායාලා පහන සදකඩ රන්වනින් දිලේ
නීලහරිත වනසම්පත් නදී ගිරිමුදුන් පෑපත්
දියඇලි වල්විදුනා ගත් රම්‍යභූමියේ
යෝද වැවුඅමුනු දාගැබ් වෙහෙර පෙතිපිලිම සුවහස්
මැවූ ඉසිවරුන්ගේ අත් පූජනීය වේ
නිදන්ගත ශ්‍රමය තැම්පත් උතුම්වූ එවන් සම්පත්
නොදී නොරටුන්ට පණසේ රකිව් දරුවනේ
එවන් අසිරි සිරි දුටු නෙත් පෙමින් රටට බැදලනු වස්
අලංකාර වාහල්කඩ දොරටු විවරවේ


ගායනය  : ජානක වික්‍රමසිංහ

අන්න බලන් බෙර හඩින් උදම්වී

අන්න බලන් බෙර හඩින් උදම්වී

අන්න බලන් බෙර හඩින් උදම්වී දෑත දෙපා සෙලවෙන අන්දම්
අන්න බලන් උඩුගුවන් තලේ හිද මාලක්කම කැරකෙන අන්දම්
අනන්තවූ බර හිසින් දරාගෙන වෙස් තට්ටුව පැලදුව සිරසේ
කුසෙන් නැගෙන ගිනි දැලෙන් වෙලීගොස් රනේ රුවට නලලත දිලිසේ
අවුල්හැරෙන් ඉන හැඩෙන් වැසුනු කය රැදෙන්නෙනෑ කෙනෙකුගෙ දෑසේ
දවුල් හඩින් තාලමෙන් වැසීගිය කනට වෙනින් කිසිවක් නෑසේ


පද රචනය: බන්ඩාර ඇහැලියගොඩ  
ගායනය  :එඩ්වඩ් ජයකොඩි

පාරමී දම් පුරා සපැමිණ

                                                 පාරමී දම් පුරා සපැමිණ

                                                                  


පාරමී දම් පුරා සපැමිණ
එකට හමුවී වෙන්ව යන සඳ
කියාගන්නට බැරිව ලතැවෙන
හැඟුම් මිහිදන් නොවේ කිසිදින

ලේ නහර ඇට මිදුලු විනිවිද
රිදුම් දෙන හැඟුමක්ද ප්‍රේමය
දුර‍ට වි ඇසිපිය නොලා
බලා ඉන්නට අවසරයි
සංසාරයේ පතා ආවෙත් එලෙසමයි

ස්වයංජාතව හිතේ මතුවන
පහන් සිතුවිල්ලක් ද ප්‍රේමය
දෙහදකට සීමා නොවී
ලයෙන් ලය සැනසිය යුතුයි
ප්‍රේමයෙන් විශ්වයම සුවපත් කළ හැකියි

නිතින් සසර දුක ජයගන්නට වේවී
දහම් සරණ හැර සරණක් නැත දේවී


පද රචනය: බන්ඩාර ඇහැලියගොඩ  
ගායනය  :නන්දා මාලනී/සුනිල් එදිරිසිංහ